PUL
.jpg)
.jpg)
"America's Next Top Model" yarışmasının qalibi Adrianna Curry sinə implantlarını çıxartmaq qərarının həyatına və özünü dərk etməsinə necə təsir etdiyini bölüşüb.
Milli.Az xəbər verir ki, 42 yaşlı model paylaşımında beş il əvvəl keçirdiyi əməliyyatdan sonra yaşadıqlarını xatırladıb. O, implantların çıxarılmasından sonra toxuma nekrozu səbəbindən sinəsinin 90 faizindən çoxunu itirdiyini və yağ transferindən imtina etdiyini bildirib. Curry sağlamlığını gözəlliyə qurban vermək istəmədiyini vurğulayıb. Özünü aşağılanmış hiss etdiyini deyən model bərpa müddətinin çox ağır keçdiyini və ərinin - Mettyu Rodun ona böyük dəstək olduğunu əlavə edib.
Curry əməliyyatın onun bədən dismorfiyasını aradan qaldırmadığını, əksinə, illərlə əziyyət verdiyini etiraf edib. O, insanlara sağlam bədənlərini dəyişdirməmək məsləhətini verərək, "Özünüzü olduğunuz kimi qəbul edin" deyib.
2003-cü ildə "America's Next Top Model" yarışmasının ilk mövsümündə qalib olan Curry, model karyerasında uğur qazandıqdan sonra 2018-ci ildə Mettyu Rod ilə evlənib və daha sakit, uzaq bir həyat tərzi keçirməyə başlayıb. Hazırda yeddi ildir ki, cütlük ucqar bir ərazidə yaşayır. Curry paylaşımında həyatını "təbiətin əzəmətli səssizliyində" keçirdiyini bildirib.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
.jpg)
