Yenidən “Survivor”da - Komandalar açıqlandı

"Survivor Türkiye" "All Star-2025" mövsümü ilə geri dönür.

Milli.Az qafqazinfo-ya istinadən xəbər verir ki, prodüserliyini və aparıcılığını məşhur türkiyəli iş adamı Acun Ilıcalının etdiyi müsabiqənin yanvar ayında tamaşaçılarla görüşəcəyi açıqlanıb.

Bu mövsüm həm məşhurlar, həm də könüllülər komandalarında tanınmış simalar yer alıb.

Məşhurlar Komandası:

İsmail Balaban

2021-ci il mövsümünün çempionu Balaban güclü performansı ilə tanınır. Bu il o, "Sarı fırtına qayıdır" deyərək iddialı  dönüş edir.

Adem Kılıççı:

2018-ci ilin çempionudur. "Survivor" əfsanələrindən biri olan Adem də bu sezon geridönüş edir.

Barış Murat Yağcı

2020 və 2022-ci il mövsümlərində yarışan futbolçu özünü üçüncü dəfə "Survivor"da sınayacaq.

Səma Aydemir

Ötən il yarışmadan dramatik şəkildə ayrılan Səma bu mövsüm yarışmada yenidən özünü sübut etmək istəyir.

Zeynep Alkan

2023-cü il mövsümü ilə parkurla zədə səbəbindən vidalaşan Zeynep bu dəfə uğura köklənib.

Batuhan Karacakaya

"Aşk-ı Memnu" serialındakı rolu ilə tanınan Batuhan artıq üç dəfə "Survivor"da yarışıb. Bu il o, dördüncü dəfə yarışmaya qoşulur.

Yağmur Banda

Ötən mövsüm zədə səbəbindən yarışı tərk etməli olan Yağmur Banda bu dəfə iddialı dönüşə hazırlaşır.

Ayşe Yüksel

2021-ci il mövsümünün diqqətçəkən adlarından olan Ayşe üçüncülüklə başa vurduğu oyunda bu dəfə zirvəni hədəfləyir.

Serenay Aktaş

2014-cü il mövsümünun məşhur adlarından biri olan Serenay bu dəfə fiziki transformasiya keçirdiyi iddiası ilə yarışmaya qatılır.

Könüllülər Komandası:

Batuhan Gökgöz

Türkiyənin milli atleti, Batuhan parkurda sürəti və çevikliyi ilə fərqlənən simalardan biridir.

Tuğba Yeni

Milli atlet və türkiyəli pentatlon rekordçusu Tuğba fiziki üstünlüyü ilə iddialılar arasındadır.

Adilhan Numan

Tələbə Adilhan Amerikansayağı futboldakı istedadı ilə tanınır.

Dilşah Kurt

Milli boksçu olan Dilşah döyüşkən xarakteri ilə parkurlarda meydan oxuyacaq.

Kaan Kazgan

MMA döyüşçüsü kimi tanınan Kaan, strategiya və trekdə güclü rəqib olmağa hədəflənib.

Milli.Az