Şou-biznes

Kazinoda cekpot udan məşhur reper həbs olundu

8 Avqust 2024 14:08
Baxış: 919
VTB-də minimal faiz dərəcəsi ilə nağd kredit 10.49%-dən

Məşhur amerikalı reper Nelli Sent-Çarlzda (Missuri ştatı, ABŞ) kazinoda həbs edildikdən sonra onun hüquq komandası polisin hərəkətindən hiddətlənib.

Milli.Az musavat.com-a istinadən xəbər verir ki, bu barədə TMZ məlumat yayıb.

Nellinin vəkili Skott Rozenblumun sözlərinə görə, repçi kazinoda cekpotu udub, bundan sonra zalda olan polis məmuru onun sənədlərini yoxlamaq zərurətini elan edib.

Eyni zamanda, vəkil qeyd edib ki, Nellt artıq eyni kazinoda daha böyük cekpotlar qazanıb və həmişə öz uduşlarını arxa plan yoxlanışı və ya digər problemlər olmadan alıb. Keçirilən yoxlama nəticəsində məlum olub ki, avtomobil sığortası olmadığı üçün polisin əlində Nellinin saxlanması üçün aktiv order var. Polis reperin qollarını qandallayıb, onun üst-başını axtarıb və bildirib ki, o, sənətçinin əşyalarından ekstazi (narkotik maddə) tapıb.

Vəkil iddia edir ki, order 2018-ci ildə qeydə alınan pozuntuya görə 2023-cü ilin dekabrında verilib və Nelli bu barədə xəbərdar edilməyib. Vəkilin sözlərinə görə, Nelli məşhur olmasaydı, polis onu sadəcə olaraq evə buraxardı. Reperə qarşı rəsmi ittiham irəli sürülməyib.

Milli.Az

Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.