Şou-biznes

“Fərqanəni qırmadım, oğlu Saleh ilə dərdimizi bölüşdük...” - FOTO

16 Fevral 2023 20:31

Baxış: 1 456

VTB-də minimal faiz dərəcəsi ilə nağd kredit 10.49%-dən

#TÜRKİYƏ

Xalq artisti Alim Qasımov və Fərqanə Qasımova birgə xalq şairi Bəxtiyar Vahabzadənin sözlərinə bəstələnmiş "Deprem" adlı mahnını ifa ediblər.

Milli.Az xəbər verir ki, moderator.az-açıqlama verən xalq artisti Alim Qasımov mahnının ərsəyə gəlməsindən danışıb.

"Türkiyədə bu zəlzələ olandan bəri mən elə bilirəm ki, bütün ailələrdə bu olmuş kimidir. Gözlərimiz yaşarır, Allaha dua edirik. Nəinki türk xalqı, dünyanın hansı yerində belə hallar yaranarsa hamı dərd-qəm çəkir. O uşaqlar, analar üçün Allaha yalvarıram. Fərqanə xanım mənə məsləhət gördü ki, Bəxtiyar Vahabzadənin "Deprem" şeirinə mahnı ifa edək. Mən də onu qırmadım, dedim ki, əlbəttə ki, oxuyaq. Saleh nəvəm və Fərqanə balamla studiyaya daxil olub, mahnını ərsəyə gətirdik. Bu mahnını günlərlə oturub işləmədik, bir anda oldu. Dərdimizi, sirrimizi, öz məhəbbətimizi türk xalqına belə bildirdik. Düşünürəm ki, bu mahnı türk xalqına bizdən bir yadigar qalacaq" deyə sənətkar bildirib.

Xalq artisti "İlahi" mahnısı ilə bu mahnının fərqli cəhətlərindən də danışıb.
"Hər iki mahnıda Allaha tapınma var, Allahdan kömək istənilir. "İlahi" mahnısı fəlakətlərdən əvvəl oxunur ki, Allah bizi qorusun, düz yol göstərsin. Bu mahnı isə bəla gələndən sonra oxundu. Musiqinin gücü böyükdür. Bu elə bir janrdır ki, kiminsə bir neçə günə çatdırdığını bir saniyəyə çatdırır. Bu təkcə qızım Fərqanə ilə mənim başsağlığı mesajım deyil, Azərbaycan musiqisinin, sərvətinin böyük acı yaşadığının təəssüratıdır. Türklər həmişə bizim çətin günümüzdə yanımızda olub, arxamızda olub, bizim də əlimizdən nə gəlirsə, hökümətimiz də, millətimiz də sağ olsun ki, edirlər ki, qardaş ölkəmiz bu bəladan üzüağ çıxsın" deyə dünya şöhrətli xanəndə bildirib.

Milli.Az