Şou-biznes

“Atama lazımsız dərmanlar verilmişdi, həkim dedi ki, dozaları güclü olub...”

6 Dekabr 2022 21:00
Baxış: 1 462

"Atam hal-hazırda reanimasiyadadır. Reanimasiyaya heç kimi buraxmırlar. Həkimlər deyir ki, dua edin. Onlar da əllərindən gələn hər bir şeyi edirlər. Atamın heç bir xəstəliyi yox idi. Birinci dəfə xəstəxanaya getdik, bir az yatdı, daha sonra evə gəldik. O zaman özünü yaxşı hiss edirdi. Sonra qəfildən ayaqları şişdi. O da vurdu böyrəklərinə, daha sonra ağciyərinə su gəldi. Başqa həkimin yanına getdik. Əfsuslar olsun ki, həkim dedi ki, dərmanların dozaları çox güclü olub, səhv verilib. Ona birinci dəfə xəstəxanada lazımsız dərmanlar verilmişdi".

Milli.Az xəbər verir ki, bunu moderator.az-a özəl açıqlamasında xalq artisti Aftandil İsrafilovun qızı Həcər İsrafilova deyib. O, daha sonra əlavə edib.

"Mən ondan təkcə ata yox, həm də dost münasibəti görmüşəm. O mənim dünyamdır. Çox güclü insan olub. Heç vaxt heç kimə əziyyət vermək istəməyib. Dərdini, kədərini hamıdan gizlədib. Sonuncu günə qədər dedi ki, yaxşıyam. Allah xeyirlisini nəsib etsin. Ümidimiz göydə Allaha, yerdə həkimlərədir. Yaş da öz sözünü deyir. 82 yaşı var. Hazırkı həkimlərindən çox razıyıq. Əllərindən gələni edirlər. Həkim də həkimdir də. Allah verir, Allah da alır. O məqamları da bilirik, ona görə də güclü olmalıyıq. Allahın möcüzəsinə inanırıq" deyə sənətkarın qızı deyib.

Həcər İsrafilova bildirib ki, sənət yoldaşları bir an olsun belə onu tək buraxmır.

"Bütün sənət yoldaşları zəng edir. Xalq artistləri Ağadadaş Ağayev, Ramiz Quliyev daim maraqlanır. Heydər Əliyev fondundan böyük diqqət görürük. Onlar atamın müalicəsini öz üzərlərinə götürüblər. Bütün xəstəxana xərclərini dövlət ödəyir. Cabir və Tahir İmanov qardaşları mənə xəstəxana işlərində çox böyük kömək etdilər. Allah onların hər birindən razı olsun" deyə sənətkarın qızı deyib.

Milli.Az

Məqaləyə dair fotomateriallar:

5 ilədək dəyişməz 14,5%-dən zaminsiz, komissiyasız 40 000 manatadək kredit
Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics