Şou-biznes

Van Dammın azərbaycanlı gəlini ərindən yazdı: "Hər yerdə mənə zəng edir, işə qaçanda da, yolda da..." - FOTO

1 İyul 2022 13:45

10 Şərh Baxış: 2 077

#ŞOU-BİZNES

"Bunu illərlə - 2016-cı ildən bəri dost kimi, sonra isə sevgili kimi yaşamışam. İndi də həyat yoldaşı kimi yaşayıram. Çox az zaman sonra yenidən birlikdə olacağıq".

Milli.Az bizim media-ya istinadən xəbər verir ki, bu sözləri dünya şöhrətli aktyor Jan Kloud Van Dammın oğlu Kristoferlə evlənən azərbaycanlı pianoçu Suada Hacızadə sosial şəbəkə hesabında izləyicilərin suallarını cavablandırarkən deyib.

Musiqiçi uzaq məsafəli sevginin anlamını bu sözlərlə ifadə edib:

"Uzaq məsafədə sevgiyə inanmırsınız. Ruh yoldaşlarımız bütün dünyada müxtəlif ölkələrdə ola bilər və biz bunu heç zaman bilə də bilmərik. Mən öz ruh yoldaşımı onlayn tanımışam. Bu bizə evlənməzdən əvvəl sadəcə, video görüntü ilə danışaraq, pandemiya və müharibə zamanı internetin olmadığı vaxtlardan keçib. İlk əvvəl fiziki görünüş yox, ruhlarımızın, ürəklərimizin bir-birini anlamağa şans yarandı.

Viza prosesini gözlədiyimə görə uzaq qalmaq çox çətindir. Lakin elə gün olmur ki, 1 saat fərqlə, tələsərək işə də qaçanda, yolda da, hər yerdə mənə zəng edir, 2 dəqiqə də olsa "Səni sevirəm", "Gecən xeyrə" və sairə deyir. Hər keçdiyimiz çətinlik sevgimizə dəyər".

Qeyd edək ki, Kristofer-Suada cütlüyü ötən ilin iyununda Azərbaycanın Türkiyədəki baş konsulluğunda doğmalarının iştirakı ilə baş tutan nikah mərasimində ailə həyatı qurub.

Milli.Az