Türkiyəli aktyor Aras Bulut İynəmlinin baş rolunu canlandıracağı "Atatürk" serialında rol alacaq simalardan daha birinin kimliyi bəlli olub.
Milli.Az axşam.az-a istinadən xəbər verir ki, ekran işində aktyor Berk Cankat rol alacaq. O, hərbi və siyasi xadim "Ali Fuat Cebesoy"u canlandıracaq.
Qeyd edək ki, Berk "Muhteşem yüzyıl" serialda canlandırdığı İskender obrazı ilə tanınır.
Layihədə Arasın tərəf müqabili "Harry Potter" filmindəki obrazıyla dünyada tanınan aktrisa Emma Uatsondır. Anası - Zübeyde xanım obrazına isə aktrisa Songül Öden həyat verəcək.
Milli.Az