Siyasət

Qarabağda Rusiya və Azərbaycan xilasedicilər 210 ədəd mina zərərsizləşdirib - FOTO

19 Yanvar 2021 21:03

Baxış: 1 163

#DAĞLIQ QARABAĞ MÜNAQİŞƏSİ

Rusiya Federasiyası Mülki Müdafiə, Fövqəladə Hallar və Təbii Fəlakətlərin Nəticələrinin Aradan Qaldırılması üzrə Nazirliyinin pirotexniklərdən ibarət qrupu Azərbaycan Respublikası Fövqəladə Hallar Nazirliyinin (FHN) əməkdaşları ilə birlikdə işğaldan azad olunmuş torpaqlarımızın minalardan təmizlənməsi əməliyyatını davam etdirir.

FHN Mətbuat xidmətindən Milli.Az-a bildirilib ki, birgə fəaliyyət nəticəsində yanvar ayının 19-dək ümumilikdə 5 hektardan artıq sahədə axtarış işləri aparılıb. Bu müddət ərzində 210 ədəd mina və 2 ədəd partlamamış sursat aşkar olunaraq müvafiq qaydada zərərsizləşdirilib.

Minalardan 174 ədədi piyada əleyhinə, 36 ədədi isə tank əleyhinədir.

Milli.Az