Siyasət

Azərbaycan Prezidenti: Ermənistanın baş naziri daha çox hərbi yardım əldə etmək üçün atəşkəs istəyir

5 Noyabr 2020 14:20

Baxış: 803

#DAĞLIQ QARABAĞ MÜNAQİŞƏSİ

Ermənistanın baş naziri daha çox hərbi yardım əldə etmək üçün atəşkəs istəyir.

Milli.Az AZƏRTAC-a istinadən bildirir ki, bunu Prezident İlham Əliyev noyabrın 4-də İspaniyanın EFE informasiya agentliyinə müsahibəsində deyib.

Dövlət başçısı bildirib:

"Biz hərbi əməliyyatları davam etdirmək istəmirik və mən dəfələrlə demişəm və bu gün də təkrar edə bilərəm, əgər Ermənistanın baş naziri şəxsən özü, bu qan tökülməsinə görə məsuliyyət daşıyan şəxs belə bir bəyanat versə, biz dərhal dayanmağa hazırıq, dərhal. Mən sözünə əməl edən insanam və biz bunu edərik. Lakin o, bunu demir. O, vaxt qazanmaq istəyir, daha çox hərbi yardım əldə etmək üçün atəşkəs istəyir, Azərbaycana qarşı yeni hücumlar etmək və bizim azad etdiyimiz əraziləri geri almaq üçün bu atəşkəsdən istifadə etmək istəyir. Onun niyyəti bundan ibarətdir".

Milli.Az