Siyasət

Başladı! Vazgen Manukyan Paşinyanı istefaya səslədi: "Ermənistan tarixin biabırçı və dağıdıcı səhifəsini yaşayır"

27 Oktyabr 2020 16:12
Baxış: 5 400

Ermənistanın birinci baş naziri (1990-1992), ölkənin ikinci müdafiə naziri olmuş (1992-1993), hazırda Milli Demokratik Birlik partiyasına sədrlik edən Vazgen Manukyan Ermənistan hakimiyyətini istefaya çağırıb.

Milli.Az Virtualaz-a istinadən bildirir ki, bu barədə onun müraciətində deyilir.

Manukyan etiraf edib ki, bu gün Ermənistan tarixin biabırçı və dağıdıcı səhifəsini yaşayır:

"Biz tariximizin biabırçı və dağıdıcı səhifəsini yaşayırıq. Yalnız "Artsax" deyil, (Azərbaycanın işğal altında olan Dağlıq Qarabağ ərazisi - red) həmçinin Ermənistan, ermənilərin gələcəyi də təhlükə altındadır. Vəziyyəti dəyişdirmək mümkündürmü? Bəli! Ancaq mövcud hökumətin dövründə yox. Nə edilməlidir?

Bu hökumət istefaya getməli, bütün hakimiyyəti orduya təhvil verməlidir. Bunu dağıdıcı zərbələr olmadan könüllü şəkildə etməlidirlər. Bütün hakimiyyəti əlinə alan ordu mövcud müharibə vəziyyəti üçün lazımi tədbirləri təşkil etməli, "Artsax"la birlikdə ortaq Müdafiə Komitəsi yaratmalıdır. Yeganə xilas budur. Əks təqdirdə hər şeyi itirə bilərik". 

Milli.Az 

 

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.