Bu 3 ayda doğulanlar üçün qara günlər geridə qalır

Fevral, iyun və noyabr aylarında doğulanlar üçün həyatın tempini azaltmaq, gərginlikdən uzaqlaşmaq və dincəlmək vaxtı çatır. Astroloji şərhlərə görə, qarşıdakı iki həftə onlara güclərini bərpa etmək və nəhayət, rahat nəfəs almaq imkanı verəcək.

Milli.Az xəbər verir ki, astroloqlar bu üç ayda doğulanlara gündəlik qayğıların bir hissəsini təxirə salmaq və özlərinə vaxt ayırmaq tövsiyə olunur.

Fevral

Fevralda doğulanlar adətən hər şeyi qabaqcadan düşünməyə, problemlərin qarşısını almağa və vəziyyəti nəzarətdə saxlamağa çalışırlar. Lakin daim yeni tapşırıqlara hazır olmaq ehtiyacı onlara tam rahatlaşmağa mane olur.

İndi hər məsələnin dərhal onların müdaxiləsini tələb etmədiyini qəbul etmək vacibdir. Bəzi işlər gözləyə, müəyyən məsələlər isə onların iştirakı olmadan həll oluna bilər.

Qarşıdakı həftələrdə həyatın tempini azaltmaq, təcili olmayan planları sonraya saxlamaq və istirahətə vaxt ayırmaq məsləhət görülür. Fasilə vermək həyatdan geri qalmaq demək deyil. Əksinə, güclərini bərpa etdikdən sonra gündəlik işlərinə daha aydın düşüncə və yeni enerji ilə qayıda bilərlər.

İyun

İyunda doğulanlar başqalarının güvəndiyi insan olmağa öyrəşiblər. Öz qayğıları həddindən artıq çoxalsa belə, başladıqları işi sona çatdırmağa çalışırlar. Zaman keçdikcə isə özlərindən daim məhsuldar olmağı tələb edirlər.

Halbuki istirahət haqqı qazanmaq üçün yeni uğurlara imza atmağa ehtiyac yoxdur. Bu ayda doğulanlara özlərinə nə qədər təzyiq göstərdiklərini düşünmək və sadəcə zövq almaq üçün sevdikləri məşğuliyyətlərə vaxt ayırmaq tövsiyə olunur.

Qarşıdakı həftələr onlara hər boş saatı mütləq faydalı işə sərf etməyin lazım olmadığını xatırladacaq. Bəzən gücü bərpa etməyin ən yaxşı yolu özündən maksimum nəticə tələb etməyi dayandırmaq və günahkarlıq hissi keçirmədən həyatdan zövq almaqdır.

Noyabr

Noyabrda doğulanlar işlərini yarımçıq qoymağı sevmirlər. Onlar bütün problemləri həll etmək, suallarına cavab tapmaq və yalnız bundan sonra rahatlaşmaq istəyirlər. Ancaq hər vəziyyətə dərhal müdaxilə etmək lazım deyil.

Bəzi layihələr gözləyə, vacib söhbətlər sonraya qala, müəyyən suallar isə bir müddət cavabsız qala bilər. Fasilə vermək məsuliyyətsizlik və ya məqsədlərdən imtina demək deyil.

Enerji azaldıqda prioritetləri yenidən nəzərdən keçirmək və gücü həqiqətən vacib məsələlərə yönəltmək tövsiyə olunur. Həllini gözləyən bəzi məsələlərə daha sonra, kifayət qədər güc və düşüncə aydınlığı yarandıqda qayıtmaq mümkündür. Hələlik isə insanı yoran və tükəndirən qayğılardan bir qədər uzaqlaşmaq faydalı ola bilər. (lent.az)

Müəllif: Ülkər Vəliyeva (Milli.Az redaktor)