Siyasət

Leyla Abdullayeva: Azərbaycanın heç bir diplomatik nümayəndəsi koronavirusa yoluxmayıb

13 May 2020 18:20

Baxış: 909

#CƏMİYYƏT

"Azərbaycanın xarici ölkədə olan diplomatik korpus nümayəndələrində koronavirus aşkarlanmayıb".

Milli.Az Trend-ə istinadən xəbər verir ki, bunu bu gün Nazirlər Kabineti yanında Operativ Qərargahın keçirdiyi brifində Xarici İşlər Nazirliyinin mətbuat xidmətinin rəhbəri Leyla Abdullayeva deyib.

O bildirib ki, Azərbaycanın xaricdə olan diplomatik nümayəndələri karantin qaydalarına tam əməl edirlər: "Sevindirici haldır ki, nə diplomatik nümayəndələrimiz, nə də onların ailə üzvlərindən bu virusa yoluxma ilə bağlı bu günə qədər heç bir məlumat daxil olmayıb. Bu vaxta qədər heç bir nümayəndəmiz və ya onların ailə üzvlərindən kimsə ölkəyə qayıtmayıb. Həmçinin, ölkəmizdəki diplomatik korpusların nümayəndələri arasında da koronavirusa yoluxma halı aşkar edilməyib".

Milli.Az