Siyasət

“Paşinyanın bu bəyanatı bütün danışıqlar prosesini dayandırır...”

15 Sentyabr 2019 22:06
1 Şərh     Baxış: 836

Baş nazir Nikol Paşinyanın Dağlıq Qarabağı Ermənistanın tərkib hissəsi elan etməsi bütün danışıqlar prosesini dayandırır, danışıqların aparılmasını qeyri-mümkün edir.

Milli.Az virtualaz.org-a istinadən bildirir ki, belə açıqlama ilə Minsk Qrupunun keçmiş amerikalı həmsədri, Bakıdakı keçmiş səfir Metyu Brayza Gürcüstanın "Starvision TV" internet televiziyasına müsahibəsində deyib.

"Çünki Dağlıq Qarabağın hüquqi statusu ancaq danışıqlar yolu ilə müəyyənləşməlidir, Ermənistan buna ancaq danışıqların yekununda nail ola bilərdi. Bu axmaqlıqdır ki, danışıqlar prosesində tərəflərdən biri əsas prizi bəribaşdan alır, əvəzində nəsə verməsə",-keçmiş diplomat bildirib.

Metyu Brayzanın fikrincə Paşinyan axmaq deyil, "ağıllı adamdır" , amma məsələ ondadır ki, o Qarabağ qruplaşmasının çox böyük, dəhşətli təzyiqləri altındadır. "Paşinyan nə qədər bacarıqlı kampanya aparsa, nə qədər populyar olsa da həmin qruplaşma heç vaxt imkan vermək istəməz ki, o siyasi hakimiyyətini aparsın. Həmin qruplaşmanın şimaldan da güclü dəstəyi var",-Brayza əlavə edib.

Keçmiş həmsədrin bildirdiyinə görə, Paşinyan Qarabağ klanının təzyiqlərindn müdafiə olunmaq üçün belə danışsa da əslində o, Azərbaycanla danışıqları axıradək aparmaq istəyir. "Bu haqda mənə Bakıda da bildirdilər, üstəlik çox yüksək səviyyədə",-Brayza deyib.

Amerikalı keçmiş diplomat habelə deyib ki, ABŞ-dakı erməni qruplaşmaları da Qarabağ münaqişəsinin həllini istəmir. Məsələn, Amerika Erməni Milli Komitəsi (ANCA) vaxtilə onun səfir təyinatının Konqresdə bloklanmasına nail olmuşdu. Brayzanın sözlərinə görə, ABŞ-dakı erməni təşkilatları da Paşinyana təzyiq edir, çünki onlar üçün Qarabağ münaqişəsi pul qazanmaq, Amerika ermənilərindən pul yığmaq vasitəsidir.

Milli.Az

Şərh yaz:

1 Şərh:

  • Anonim
    Tam Maxfi. · 15 Sentyabr 22:3110

    Saq ol qaqa.Yaqmasanda gurulda.

    Cavab yaz

XƏBƏR LENTİ

Copyright © 2015 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.