Hadisə

Bakıda övladlarından imtina edən kişi həbs olundu

24 Sentyabr 2026 17:50

Baxış: 310

VTB-də minimal faiz dərəcəsi ilə nağd kredit 9.9%-dən

Bakıda övladlarına aliment verməyən kişi həbs edilib.

Milli.Az Oxu.Az-a istinadən xəbər verir ki, hadisə paytaxtın Sabunçu rayonu ərazisində baş verib.

Rayon sakini 1984-cü il təvəllüdlü E.Bayramov 2015-ci ildə ailə həyatı qurub və birgə nikahdan 2 övladı dünyaya gəlib. 2023-cü ildə E.Bayramov həyat yoldaşından şübhələnir və uşaqların onun övladı olmadığını bildirir. Nəticədə cütlük arasındakı nikah məhkəmə qaydasında pozulub.

Məhkəmə iki övladın saxlanılması üçün E.Bayramovun hər ay 450 manat aliment ödəməsini qərara alsa da, E.Bayramov bu alimenti ödəməkdən imtina edib və ekspertiza təyin edilməsini istəyib. Təyin edilən ekspertiza uşaqların E.Bayramoun olduğunu təsdiqləyib. Amma E.Bayramov bu qərarla da razılaşmayıb və aliment ödəməkdən imtina edib. Nəticədə E.Bayramovun 10 min 800 manat aliment borcu yaranıb.

Faktla bağlı cinayət işi başlanılıb, iş məhkəməyə göndərilib. Sabunçu Rayon Məhkəməsinin hökmü ilə E.Bayramov 1 il müddətinə azadlıqdan məhrum edilib və məhkəmə zalından həbs olunub.

Müəllif: Malik Məlikov (Milli.Az redaktor)