Siyasət

Paşinyan: Ermənistandan qaçmağa fürsətiniz olmayacaq

14 İyun 2026 23:16
Baxış: 1 848
#NİKOL PAŞİNYAN

"Üçbaşlı mafiya sadə bir səbəbdən heç nə edə bilməz. Bu səbəb isə odur ki, o, xalqın dəstəyinə malik olmayıb, sahib deyil və heç vaxt sahib olmayacaq".

Milli.Az APA-ya istinadən bildirir ki, bunu Ermənistanın Baş naziri Nikol Paşinyan deyib.

"Əksinə, xalq açıq şəkildə üçbaşlı mafiyanın diz çökdürülməsini və məhv edilməsini tələb edir və bu, qaçılmaz olaraq baş verməlidir. Yeri gəlmişkən, kaluqalının əsas kuklası olan Serji (Serj Sarkisyan - red.) unutmamışıq və unutmayacağıq. Ona görə də panikaya düşüb çantalarınızı yığmağa tələsməyin. Hətta seçki kampaniyası zamanı da demişdim ki, Ermənistandan qaçmaq fürsətini xəyal edəcəksiniz, amma bu fürsətiniz olmayacaq", - Paşinyan əlavə edib.

Qeyd edək ki, bir neçə gün əvvəl "Çiçəklənən Ermənistan" Partiyasının sədri Qaqik Tsarukyan barəsində cinayət işi başlanıb, onun ölkədən çıxmasının qarşısı alınıb. Bu gün isə Ermənistanın sabiq prezidenti Robert Köçəryanın hava limanından ölkəni tərk etməsinə imkan verilməyib.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.