Siyasət

ABŞ casus fotolarını alimlərə “hədiyyə” edir

14 Sentyabr 2024 15:44
Baxış: 1 046
#EKOLOGİYA #ABŞ

ABŞ-ın Mərkəzi Kəşfiyyat İdarəsi (MKİ) ətraf mühit tədqiqatçılarına özünün yüksək gizli Yer üzünə aid fotolarından ibarət arxivlərinə çıxış imkanı vermək qərarına gəlib.

ABŞ artıq dörd onillikdir ki, casus peykləri idarə edir. Bu səbəbdən arxivlər elm adamlarına son keçmişdə ətraf mühitin dəyişikliklərini izləmək imkanı verə bilər. MKİ-nin direktor müavini Uilyam Studeman bu arxivlərin Yer kürəsinin iqlimi ilə bağlı "arxeoloji" məlumatlar təşkil etdiyini bildirir. Onun sözlərinə görə, görüntülər tədqiqatçılara iqlim dəyişikliyi, səhralaşma və meşələrin qırılmasını izləməyə kömək edə bilər.

Kolorado ştatının Colorado Springs şəhərində keçirilən kosmik konfransda çıxış edən Studeman fotoların necə və nə zaman əlçatan olacağını açıqlamasa da, MKİ-nin bugünkü casus peykləri tərəfindən çəkilmiş fotoları açıqlamayacağını vurğuladı. Çünki bu görüntülər ABŞ-ın kosmosdan casusluq qabiliyyətinin nə dərəcədə effektiv olduğunu üzə çıxara bilər.

Milli.Az
Xəbərlərimizi WhatsApp kanalımızdan da oxuyun

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.