Siyasət

İraq və Suriyadan 500-dən çox uşaq və qadın Azərbaycana gətirilib

5 İyun 2024 14:36

Baxış: 581

#XARİCİ İŞLƏR NAZİRLİYİ

Münaqişə zonalarındakı (İraq və Suriya - red) düşərgələrdə saxlanılan Azərbaycan vətəndaşlarının ölkəmizə repatriasiyası dayanmadan həyata keçirilir.

Milli.Az report-a istinadən xəbər verir ki, bunu Azərbaycanın xarici işlər naziri Ceyhun Bayramov macarıstanlı həmkarı Peter Siyarto ilə keçirdiyi mətbuat konfransında deyib.

Nazir bildirib ki, bu istiqamətdə Azərbaycanın 15 dövlət qurumu birgə fəaliyyət göstərir: "Ötən gün Suriya Ərəb Respublikasının ərazisində yerləşən düşərgələrdə saxlanılan 5-i uşaq və 1-i qadın olmaqla 6 nəfər Azərbaycan Respublikası vətəndaşının ölkəmizə repatriasiyası həyata keçirilib. Bu, kifayət qədər asan olmayan bir prosesdir. Son illər ərzində 500-dən artıq Azərbaycan vətəndaşı olan qadın və uşaq ölkəyə gətirilib".

C.Bayramov bildirib ki, hələ də orada saxlanılan insanlar var: "Onların sayını deməkdə çətinlik çəkərəm. Ona görə də bu işlər dayanmadan həyata keçirilir".

Milli.Az
Xəbərlərimizi WhatsApp kanalımızAdan da oxuyun