Siyasət

Azərbaycanın müxalifət partiyasının qurultayının vaxtı müəyyənləşib

3 May 2012 11:20
Baxış: 760
Böyük Quruluş Partiyası (BQP) Siyasi Qurulunun növbəti iclası keçirilib. Partiyanın mətbuat xidmətindən APA-ya verilən məlumata görə, iclasda ölkədəki ictimai-siyasi vəziyyət, qərarların icra vəziyyəti, partiyanın növbəti qurultayının çağırılması, Qurultaya Hazırlıq üzrə Təşkilat Komitəsinin tərkibinin təsdiqi və cari məsələlər müzakirə olunub.

BQP başqanı, millət vəkili Fazil Mustafa ali icra orqanı üzvləri qarşısında geniş məruzə ilə çıxış edərək, partiyanın təmsilçisi kimi parlamentdəki fəaliyyətindən, çoxsaylı beynəlxalq tədbirlərdə iştirakından, görülən işlərdən və partiyanın qarşısında duran vəzifələrdən danışıb.

BQP Ali Məclisinin sədri Əjdər Əliyev partiyanın yerlərdəki təsis, bərpa və hesabat-seçki yığıncaqları barədə iclas iştirakçılarını məlumatlandırıb, bu sahədə işlərin uğurla aparıldığını vurğulayıb. Siyasi Qurul partiya Ali Məclisinin verdiyi səlahiyyətə əsaslanaraq, BQP-nin növbəti, IV qurultayının iyunun 2-də Bakı şəhərində çağırılması haqqında qərar qəbul edib. Siyasi Qurulun üzvləri, Ali Məclisin Rəyasət Heyəti və Ali Nəzarət Qurulunun üzvlərindən ibarət tərkibdə Qurultaya Hazırlıq üzrə Təşkilat Komitəsi yaradılıb.

Milli.Az

 

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.