Cəmiyyət

Yunus Oğuzun "Səfəvi Şeyxi" romanı Türkiyə oxucularına təqdim olunub

1 İyul 2026 17:37

Baxış: 332

VTB-də minimal faiz dərəcəsi ilə nağd kredit 9.9%-dən

#KİTAB #YAZIÇI

Azərbaycanın tanınmış yazıçısı Yunus Oğuzun "Səfəvi Şeyxi" tarixi romanı qardaş Türkiyədə türk dilində nəşr olunub.

Milli.Az xəbər olaylar.az-a istinadən xəbər verir ki, roman Bilge Tonyukuk Yayınları tərəfindən çap edilərək oxucuların ixtiyarına verilib.

"Səfəvi Şeyxi" romanı Səfəvilər dövlətinin ideoloji və mənəvi əsaslarının formalaşdığı dövrü bədii dillə əks etdirir. Əsər eyni zamanda Azərbaycan dövlətçilik tarixinin mühüm səhifələrini canlandırır. Romanın Türkiyədə nəşri təkcə müəllifin yaradıcılığı üçün deyil, həm də Azərbaycanın zəngin tarixi irsinin və ortaq türk mədəniyyətinin qardaş ölkədə tanıdılması baxımından mühüm hadisə kimi dəyərləndirilir.

Qeyd edək ki, Yunus Oğuzun tarixi romanları indiyədək müxtəlif ölkələrdə nəşr olunaraq geniş oxucu auditoriyasının marağına səbəb olub.

Müəllif: Tural Hüseyn (Milli.Az redaktor)