Şou-biznes

"İkinci xanımım məndən 37 yaş balacadır" - 87 yaşlı Xalq artisti

1 İyul 2026 15:17

Baxış: 880

VTB-də minimal faiz dərəcəsi ilə nağd kredit 9.9%-dən

#ŞOU-BİZNES #MƏŞHURLAR #AİLƏ #XALQ ARTİSTİ #AKTYOR

Xalq artisti Tariyel Qasımov şəxsi həyatı ilə bağlı səsləndirdiyi fikirlərlə gündəmə gəlib.

Milli.Az-ın məlumatına görə, aktyor bildirib ki, ilk ailə həyatına son qoyduqdan cəmi dörd ay sonra ikinci dəfə evlənib və hazırkı ailəsində özünü olduqca xoşbəxt hiss edir.

Onun sözlərinə görə, həyat yoldaşı ona böyük qayğı göstərir və hər zaman yanında olur. Tariyel Qasımov xanımının ailəsinə bağlı, diqqətli və qayğıkeş insan olduğunu vurğulayaraq, birlikdə qurduqları ailə həyatından məmnunluğunu ifadə edib.

Xalq artisti qeyd edib ki, həyat yoldaşı bağçaya xüsusi maraq göstərir, ağaclar və güllər əkərək evlərinə xüsusi ab-hava qatır. Aktyorun sözlərinə görə, evə daxil olanda özünü rahat və xoşbəxt hiss edir.

Tariyel Qasımov həmçinin bildirib ki, onlar artıq səkkiz ildir evlidirlər və həyat yoldaşı ondan 37 yaş kiçikdir. O, qarşısına belə bir insanın çıxmasını həyatının ən böyük xoşbəxtliklərindən biri adlandırıb.

Sənətçi qadın pərəstişkarlarından hələ də sevgi mesajları aldığını da etiraf edib. Onun sözlərinə görə, həyat yoldaşı bəzən bu səbəbdən onu qısqanır.

Aktyor əlavə edib ki, yaşına baxmayaraq özünü gümrah hiss edir və hələ də daxilən gənc olduğunu düşünür.

Tariyel Qasımovun bu açıqlamaları sosial şəbəkələrdə geniş müzakirələrə səbəb olub. İzləyicilər sənətçinin etirafları ilə bağlı müxtəlif fikirlər səsləndiriblər.

Müəllif: Tural Hüseyn (Milli.Az redaktor)