Paşinyanın "separatizm" ümidləri PUÇ OLUR - Almaniya İrəvana İLK MESAJINI VERDİ

"Prezident İlham Əliyevin Almaniyaya səfəri hazırki dönəmdə mühim əhəmiyyət kəsb edir".

Bunu Milli.Az-a açıqlamasında Sosial Tədqiqatlar Mərkəzinin Daxili siyasətin təhlili departamentinin sektor müdiri, politoloq İlyas Hüseynov deyib.

O bildirib ki, regionda təhlükəsizlik mühitinin gücləndirilməsinə böyük ehtiyac var:

"Nəzərə almaq lazımdır ki, bir müddət öncə Ermənistanın baş naziri Nikol Paşinyan da ALmaniyaya səfər etmişdi və Kansler Olaf Şoltsla mətbuat konfransında söylənən fikirlər daha sonra birmənalı qarşılanmadı və nəticədə Almaniya hökümətinin saytında Şoltsun fikirlərinə redaktələr edildi, korrektələr nəzərə çarpdı. Çünki bugün dünyada ərazi bütövlüyü və suverenliklə bağlı vahid bir mövqe var. Bu məsələylə bağlı vahid bir yanaşma sərgilənirsə, Azərbaycan da öz problematikasında bu mövqeyi görmək istəyir.

Ərazi bütövlüyü, suverenlik, daxili işlərə qarışmamaq, sərhədlərin toxunulmazlığı, ən öndə prioritetlərdir. Məhz bu səbəbdən Almaniya ilə Azərbaycan arasında siyasi, iqtisadi, humanitar, enerji, nəqliyyat, mədəni münasibətlərin inkişaf etdirilməsi ilə yanaşı məhz təhlükəsizlik sisteminin gücləndirilməsi məsələləri müzakirəyə çıxarıldı.

Azərbaycan Avopa İttifaqının enerji təhülkəsizliyində mühim rol oynayır. Digər tərəfdən Azərbaycan, Gürcüstan, Ruminiya, Macarıstan arasında yaşıl enerji dəhlizi istiqamətində də saziş imzalanıb. Bütün bu sadalanan fikirlər onu deməyə əsas verir ki, regionda təhlükəsizlik mühitinin gücləndirilməsinə böyük ehtiyac var.

Azərbaycan Beynəlxalq Antiterrort Koalisiyasının üzvü kimi Laçın yolunda nəzarət buraxılış məntəqələrinin qurulması ilə təhlükəsizliyin gücləndirilməsi niyyətindədir. İlham Əliyev bu barədə Almaniya prezidenti Ştaynmayerlə keçirilən görüşdə vəziyyəti qeyd etməklə həm də bölgədəki təhlükəsizlikdə yaranan problemlərə dair fikirlərini də bölüşmüş oldu. Düşünürəm ki, artıq regionda olan həqiqətləri Almaniya tərəfi bilir və onların Ermənistan tərəfindən təhrif edilməsinə də qarşı çıxacaq.

Digər tərəfdən Rusiya-Ukrayna müharibəsi nəyinki regionda, dünyada da müəyyən çətinliklər formlaşdırıb. Bütün bu çətinliklərdən çıxış yolları bugün hamını düşündürən məsələlər sırasındadır. Bakı ilə Berlin arasında ticari-iqtisadi münasibətlərdə də artım var və düşünürəm ki, gələcəkdə iqtisadi dövrüyyənin bir qədər də inkişaf etdirilməsi nəzərə çarpa bilər. Bununla yanaşı olaraq Azərbaycan Prezidentinin Almaniyanının biznes dairələri ilə keçirdiyi görüşdə də mühim məsələlər müzakirə olundu.

Əgər Almaniya şirkətləri Qarabağın yenidən qurulmasında Şərqi Zəngəzurda fəaliyyətlərə başlayacaqlarsa, bu artıq Azərbaycanla Almaniya arasında münasibətlərdə tamamilə yeni bir əməkdaşlıq müstəvisini formalaşdıracaqdır".

Təhməz Əsədov
Milli.Az