Siyasət

Üçüncü intifada başlayır - İsrailə ŞOK XƏBƏRDARLIQ

29 Yanvar 2023 19:17
Baxış: 906

İsraildə yeni il ərəfəsi ərəfəsində artan gərginlik ölkə tarixində ən sağçı hökumətin qurulmasından sonra zorakılıq spiralına çevrilib.

Milli.Az muselman.az-a istinadən bildirir ki, üç gün əvvəl İsrail əsgərlərinin işğal altındakı İordan çayının qərb sahilindəki Cenin Qaçqınlar Düşərgəsinə təşkil etdiyi hücum nəticəsində 9 fələstinlinin həyatını itirməsi gərginliyi artırıb. Ötən gün isə Şərqi Qüdsdə yəhudi yaşayış məntəqəsindəki sinaqoqun ətrafında baş verən silahlı hücumda ən azı 7 nəfər həlak olub.

İsrailin "Yediot Ahronot" qəzetinin analitiki Ron Ben-Yişai sinaqoq ətrafında baş verən hücumun Cenin əməliyyatına cavab olduğunu bəyan edib. Fələstinlilərin yaşadığı bölgələrdə artan hərbi əməliyyatları tənqid edən israilli jurnalist repressiyaların davam etdirilməsinin yeganə nəticəsinin yeni intifadaya (intifada - fələstinlilərin İsrail işğalina qarşı başlatdığı müqavimətin adı - red.) zəmin hazırlamaq olacağı barədə xəbərdarlıq edib.

İsrailliləri hədəf alan hücumlar dünən də davam edib. Şərqi Qüdsdə silahlı hücum nəticəsində iki nəfər yaralanıb. Atışma nəticəsində yaxalanan hücumçunun 13 yaşlı fələstinli olduğu açıqlanıb. Qüdsdə İsrail təhlükəsizlik qüvvələri ilə fələstinlilər arasında gərginliyin davam etdiyi bir vaxtda İsrail polisi HƏMAS tərəfindən Qəzza zolağından atılan raketin təsadüfən fələstinli bir ailənin evinə düşdüyünü bildirib.

Qeyd edək ki, fələstinlilərin İsrailə qarşı qiyamı olan intifadanın birincisi 1987-ci ildə başlayıb və 1993-cü il Oslo razılaşmasına qədər davam edib. İkinci intifada isə İsrailin o zamankı baş naziri Ariel Şaronun İsrail əsgərlərinin himayəsi altında Məscidül-Əqsanın həyətinə girməsi ilə başlayıb və 6 il davam edib.

Milli.Az

 

Azernews Newspaper

XƏBƏR LENTİ

Copyright © 2023 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics