Dünya

Almaniyada gonbul polisi işdən çıxardılar

3 İyul 2026 17:29

Baxış: 2 255

VTB-də minimal faiz dərəcəsi ilə nağd kredit 9.9%-dən

#POLİS #ALMANİYA

Almaniyada polis əməkdaşı həddindən artıq çəkili olduğuna görə işdən çıxarılıb. O bu qərarla razılaşmayaraq məhkəməyə müraciət etsə də, iddiası təmin edilməyib.

Milli.Az oxu.az-a istinadən bildirir ki, bu barədə DW məlumat yayıb.

Berlin və Brandenburq Ali İnzibati Məhkəməsi sınaq müddətində olan polis əməkdaşının artıq çəkiyə görə işdən kənarlaşdırılmasını "obyektiv səbəb" kimi qiymətləndirib.

Məhkəmənin qənaətinə əsasən, əgər şəxsin Bədən Kütlə İndeksi (BKİ) 27.5-dən yuxarıdırsa və onun çəkisinin davamlı şəkildə azalacağına dair əsaslı gözlənti yoxdursa, işəgötürən həmin şəxsi işdən çıxarmaq barədə geniş səlahiyyətlərə malikdir.

Məlumata görə, iddiaçı 2022-ci ilin sentyabrında orta polis vəzifəsinə namizəd kimi qəbul edilib. Lakin 2025-ci il mayın 31-də rəsmi şəkildə xidmətdən uzaqlaşdırılıb.

Boyu 1.85 metr, çəkisi isə 112.2 kiloqram olan kişinin Bədən Kütlə İndeksi 32.8 olub ki, bu da I dərəcəli piylənmə hesab edilir.

Müəllif: Tural Hüseyn (Milli.Az redaktor)