Siyasət

"Qarabağ"ın sabiq futbolçusu Ukraynadakı müharibədə AĞIR YARALANDI

26 May 2022 23:48

0 Şərh Baxış: 1 259

#RUSİYA-UKRAYNA MÜHARİBƏSİ

"Qarabağ"ın sabiq futbolçusu Aleksandr Voskoboynik Ukraynadakı müharibədə ağır yaralanıb.

Milli.Az report.az-a istinadla xəbər verir ki, bu barədə rusiyalı tanınmış teleşərhçi Aleksey Andronov özünün şəxsi teleqram kanalında yazıb.

O bildirib ki, ukraynalı veteran hücumçu qondarma Donetsk və Luqansk Xalq respublikalarında səfərbərlik zamanı Rusiya ordusuna cəlb olunub. Voskoboyniklə yanaşı, digər sabiq forvard Vadim Sladki də döyüş əməliyyatlarına qatılıb.

İddiaya görə, hər iki futbolçu öz ölkələrinə qarşı vuruşmağa məcbur ediliblər. Donetskdəki küçə döyüşlərində Sladki öldürülüb, Voskoboynik isə ağır güllə yarası alıb. Onun paytaxt Moskvaya aparıldığı bildirilib.

Qeyd edək ki, Aleksandr Voskoboynik 2005-ci ildə "Qarabağ"ın formasını geyinib.

Milli.Az

Milli.Az - Xəbər Portalı

Azernews Newspaper

DİGƏR XƏBƏRLƏR

XƏBƏR LENTİ