Siyasət

“Bu problem həll edilə bilər, amma Türkiyə...” - Finlandiyanın sabiq baş naziri

24 May 2022 23:24
0 Şərh     Baxış: 980

Finlandiyanın keçmiş baş naziri və xarici işlər naziri Aleksandr Stubb Türkiyənin təhlükəsizlik problemlərinin həll edilməli olduğunu söyləyib.

Milli.Az teleqraf.com-a istinadən bildirir ki, sabiq nazir bu barədə "Anadolu"ya müsahibəsində danışıb.

"Türkiyənin təhlükəsizliklə bağlı narahatlığı nəzərə alınmalıdır. Anladığım qədərilə bunlardan biri PKK, digəri isə silah embarqosu ilə bağlıdır, - deyən Stubb Türkiyənin "F-35"lərə olan son tələbinin birbaşa Finlandiya və İsveçlə əlaqəli olduğunu da bildirib.

Sabiq hökumət başçısı əlavə edib:

"İndi, mənim təcrübəmə görə, bu problemlər həll edilə bilər, lakin bu narahatlıqları aradan qaldırmaq üçün tədbirlər görülməlidir".

Stubb İsveç və Finlandiyanın NATO-ya qəbul edilməsinin birliyə mühüm töhfə olacağını vurğulayıb:

"NATO-ya uyğun ölkələrik, amma Türkiyənin narahatlığı ciddi qəbul edilməlidir. Həll yolunun tapılacağına ümid edirəm".

Finlandiyanın Türkiyənin Avropa Birliyinə (AB) üzvlük prosesini dəstəklədiyini xatırladan Stubb qeyd edib: "Türkiyə ilə Finlandiya arasındakı əlaqələr həmişə çox yaxşı olub".

Milli.Az

 

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.