Siyasət

Rövşən Nəcəf SOCAR-ın birinci vitse-prezidenti təyin edildi - SƏRƏNCAM

10 Fevral 2022 15:32

Baxış: 5 638

Prezident İlham Əliyev R.Ç.Nəcəfin Azərbaycan Respublikası iqtisadiyyat nazirinin birinci müavini vəzifəsindən azad edilməsi haqqında sərəncam imzalayıb.

Milli.Az xəbər verir ki, sərəncama əsasən, Rövşən Çingiz oğlu Nəcəf Azərbaycan Respublikası iqtisadiyyat nazirinin birinci müavini vəzifəsindən azad edilib.

Digər sərəncamla Rövşən Çingiz oğlu Nəcəf Azərbaycan Respublikası Dövlət Neft Şirkətinin birinci vitse-prezidenti təyin edilib.

Azərbaycan Respublikası Dövlət Neft Şirkətinin prezidenti təyin olunanadək həmin vəzifənin müvəqqəti icrası Azərbaycan Respublikası Dövlət Neft Şirkətinin birinci vitse-prezidenti Rövşən Çingiz oğlu Nəcəfə həvalə edilir.

Bu Sərəncam imzalandığı gündən qüvvəyə minir.

Milli.Az