Kulinariya

Mətbəx sirləri: "Qaynana dili" - FOTO

28 İyun 2013 07:00

0 Şərh Baxış: 4 555

VTB-də minimal faiz dərəcəsi ilə nağd kredit 9.9%-dən

Eləsi var, qaynanasını sevmir, onunla dalaşır, eləsi də var, qaynanasının acı dilinin şərəfinə salat düzəldir. Yedikcə də: "Oxqay, dilini kəsdim", - deyir. Zarafat bir kənara, bu salat qışda ələ düşməz.

Tərkibi:

3 kq qabaq
4 şirin bibər
1 acı istiot
3 baş soğan

marinad:
1 st. bitki yağı
0,5 st. şəkər tozu
2 x.q. duz
0,5 l qatı tomat pastası
1 st. su
0,5 st. 9%-li sirkə

Qabağı təmizləyin: qabığını soyun, dənələrini çıxarın. Sürtgəcdən, yaxud kombayndan keçirin.

Bibəri və acı istiotu yuyun, toxumlarını çıxarın, iri doğrayın. Acı istiotla işləyərkən, yaxşı olar ki, əlcəkdən istifadə edəsiniz.

Blenderdə, yaxud ət maşınında xırdalayın.

Marinad: salatı bişirəcəyiniz qazana tomat pastası, su, bitki yağı, duz, şəkər tozu və xırdaladığınız bibərlə istiotu tökün. Qaynadın.

Qabaq "dillərini" marinadın içinə tökün, səliqə ilə qarışdırın. Marinad qabağın üstünü tam örtməlidir.

Qabaqların qabariti sizi qorxutmasın, bişdikcə büzüşüb enəcək. Salatı vam odda 40 dəqiqə bişirin. Aradabir qarışdırın. Bişməyinə 5 dəqiqə qalmış içinə xırdalanmış sarımsaq tökün.

Bişib qurtarandan sonra içinə sirkə tökün, qarışdırın.

(Diqqət yetirin: sarımsaqla sirkə isti emala çox məruz qalmamalıdır, ona görə də onları sonda əlavə edirik). Hazır salatdakı qabaqlar şəffaf olmalıdır. Bankaları hazırlayın. Onların sterilizasiyası üçün ən asan üsul belədir: yuyulub silinmiş bankaları mikrodalğalı sobaya qoyun, maksimal gücdə 2 dəqiqə saxlayın. Sterilizə edilmiş bankalar qaynar və quru olacaq.