Kulinariya

Maqnolia desertinin resepti

5 Dekabr 2025 23:13

Baxış: 190

VTB-də minimal faiz dərəcəsi ilə nağd kredit 10.49%-dən

#KULİNARİYA

Nyu-Yorkdakı məşhur "Magnolia Bakery"dən bütün dünyaya yayılan bu məşhur desert artıq evdə də asanlıqla hazırlana bilər. Yumuşaq kremin, biskvit və meyvə ilə birləşdiyi bu dadlı resept orijinalına uyğun olaraq bananla hazırlanır. Lakin istəyinizə görə müxtəlif meyvələr də istifadə edə bilərsiniz.

Milli.Az maqnolia desertinin hazırlanma qaydasını təqdim edir:

Tərkibi

1 litr süd

5 xörək qaşığı un

1 stəkan şəkər tozu

1 paket vanil

1 paket qaymaq (krema)

1 kiçik paket uşaq biskviti

4 ədəd banan

1 xörək qaşığı kərə yağı

Hazırlanma qaydası

Kremin bişirilməsi - Süd, un və şəkər tozunu orta ölçülü qazana əlavə edin. Qatılaşana qədər çırpıcı ilə dayanmadan qarışdıraraq bişirin. Daha sonra vanil və kərə yağını əlavə edib ocağı söndürün. Bir qədər soyuduqdan sonra qaymağı əlavə edib mikserlə çalın. Soyuması üçün ən azı 1 saatlıq soyuducuya qoyun.

Uşaq biskvitlərini blenderdən keçirin. Bananları isə nazik dilimlərə doğrayın.

Servis mərhələsi

Qablara və ya stəkanlara ardıcıllıqla krem, banan dilimləri və biskvit qatlarını yerləşdirin. Soyuq şəkildə servis edin.

Lalə Qüdrətova
Milli.Az