İran

Əhmədinejat prezidentliyə namizəd olacaq?

26 May 2024 17:13
Baxış: 1 408
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

İranın keçmiş prezidenti, daha əvvəl namizədliyinə Konstitusiya Keşikçiləri Şurası tərəfindən veto qoyulmuş Mahmud Əhmədinejad iyunun 28-də keçiriləcək prezident seçkilərində namizəd olmaq üçün şərtləri dəyərləndirdiyini bildirib.

Milli.Az lent.az-a istinadən bildirir ki, Mahmud Əhmədinejad evinin qarşısına gələn və ondan namizəd olmasını xahiş edən tərəfdarlarına müraciət etdiyi görüntüdə deyib: " Mən şərtləri qiymətləndirirəm və bu gün hansı hərəkətlərin ölkənin, xalqın və bugünkü İranın maraqlarına uyğun olduğunu ölçüb-biçirəm".

Ölkənin şərtlərinin həssas olduğunu bildirən Əhmədinejad, "Sizlərin arzudağınız kimi qiymətləndirirəm və nəticəsini sizə açıqlayacağam" deyib.

2005-2013-cü illərdə ölkədə iki müddət prezident olan mühafizəkar siyasətçi Əhmədinejad 2017-ci ildə keçmiş prezident Həsən Ruhaniyə qarşı alternativ olmaq istəsə də, namizədliyi rədd edilib.

Əhmədinejadın 2021-ci ildə keçirilən prezident seçkilərində mayın 19-da helikopter qəzasında həlak olan prezident İbrahim Rəisiyə qarşı namizəd kimi iştirak etmək istəyi Konstitusiyanın Keşikçiləri Şurası tərəfindən yenidən veto edilib.

Rəisinin mayın 19-da helikopter qəzasında həlak olmasından sonra Konstitusiyaya əsasən, birinci vitse-prezident Məhəmməd Muhbir İran lideri Ayətullah Əli Xameneinin təsdiqi ilə prezident səlahiyyətlərinin icrasına başlayıb.

İran Konstitusiyasına görə, hazırkı prezidentin vəfat etdiyi halda parlamentin sədri, məhkəmə hakimiyyətinin başçısı və birinci vitse-prezidentdən ibarət idarə heyəti ən çox 50 gün ərzində yeni prezidentin seçilməsi üçün lazımi tədbirlər görməlidir. .

Bununla bağlı mayın 20-də qanunvericilik, icra və məhkəmə hakimiyyəti başçıları arasında keçirilən növbədənkənar müşavirədə prezident seçkilərinin iyunun 28-də keçirilməsi qərara alınıb.

Milli.Az
Xəbərlərimizi WhatsApp kanalımızdan da oxuyun

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.