İran

Hicabını yandıran İran: alovda əmmamələr də yanacaqmı?

22 Sentyabr 2022 10:48
Baxış: 2 421

Qonşu İran neçə gündür ki, "hicab etirazlar"ı ilə çalxalanır. Iri şəhərlərdə keçirilən antihökumət aksiyalarında insanlar molla rejimi əleyhinə sərt şüarlar səsləndirir. Vəziyyət o həddə çatıb ki, İranın daxilində və xaricində hər kəsi bir sual düşündürməyə başlayıb - görəsən Məhsa Amininin məcburi hicab qaydalarını tətbiq edən əxlaq polisi tərəfindən saxlanılması və daha sonra ölməsi ilə bağlı keçirilən etiraz aksiyaları inqilaba gətirib çıxaracaqmı? Əvəllər də buna bənzər aksiyaların keçirildiyini və səngidiyini nəzərə alsaq, bu versiya istisna edilir. Lakin ölkədə narazılığın atracağı gözləniləndir.

İran dövlətinin dağılması kimə sərf edir?

Beləliklə, minlərlə insan küçəyə çıxaraq molla rejiminin tətbiq etdiyi qaydalara etiraz edir, nifrətini bildirir. Təbii ki, hicab etirazları bir səbəbdir və bu etirazların kökü daha dərinə gedib çıxır. Əsas səbəblər sırasında Qərbin sanksiyaları, sosial vəziyyətin ağırlaşması, bahalıq var ki, bu da insanların səbr kasasını doldurub. Adi bir qığılcım kifayət edir ki, insanlar küməyə çıxsın. Və son hadisələrə də məhz bu prizmadan baxmaq gərəkdir.

Azərbaycandan İrana baxış

Görünən odur ki, tarixi bağlılıq, qonşuluq və s. məsələlər bu ölkəyə diqqətimizi artırıb. Bu da təbiidir. Bəs qonşu dövlətdə baş verənlər ölkəmizdə necə qarşılanır? Rəyi soruşulan hər bir vətəndaşımızdan qonşu dövlətdə baş verənlərlə bağlı mövqe soruşulduqda, emosional şəkildə "İran dağılmalıdır" deyəcək. Və bu mövqe da başadüşüləndir. Azərbaycan xalqı illər uzunudur ki, fars molla rejiminin anti-Azərbaycan, ermənipərəst mövqeyindən bezib. Ermənistan rəsmilərinin etiraf etdiyi kimi "İran bizim üçün nəfəslik rolunu oynayıb" fikri elə-belə deyilmir. Hər bir soydaşımız da bunu gözəl bilir və şahididir. Lakin məsələnin başqa bir tərəfi də var. İranın dağılmasının Azərbaycana faydası nə olacaq? Təbii ki, ziyandan başqa heç nə.

Bütövlükdə isə İranın dağılması heç bir dövlətə sərf etmir. Sabitsizlik və dağınıq İran hətta rejimə qarşı olan Birləşmiş Ştatlara belə sərf etmir. Rusiyadan isə danışmağına dəyməz. Sadəcə İran baş verənlərdən nəticə çıxarmalıdır. Düşünməlidir, görəsən Azərbaycan xalqının böyük əksəriyyətinin gözündən düşməsinin səbəbi nədir? Müsəlman və təriqət yaxınlığını bir kənara qoyaq. Axı tarixi ədalət deyilən bir anlayış var. Sənin qonşuluğunda olan dövlətin torpaqları 30 il işğal altında qalır və sən susursan. Və Azərbaycan tarixi ədaləti bərpa edəndə sən buna etiraz edirsən? Bunun məntiqi izahı varmı?

Ermənistanın puç olan arzusu

Yeri gəlmişkən, baş verənlər Ermənistanda ciddi rezonans doğurub. Ermənistanın "nəfəsliyi" olan qonşusunda yaşananlar ermənilərin ümidlərini puç edib.  Bəllidir ki, sentyabr təxribatlarını törətməklə Ermənistan İranın da prosesə cəlb olunmasına çalışırdı. Mütəmadi olaraq İran hərbi qüvvələrinin sərhədə yaxınlaşdığını və İranda Azərbaycan əleyhinə etirazların artdğını tirajlamağa başladılar. Lakin "hicab qalmaqalı"na başı qarışan Tehran erməniəri unudub öz problemlərini həll etməyə başlayıb. Sosial şəbələkələrdə etmənilər hətta etirazları törədən qüvvələrə söyüb təhqir etməkdən də çəkinmirlər. Beləliklə, necə deyərlər ermənilərin növbəti arzusu da puç oldu.

Azər Nuriyev
Milli.Az

13,99%-dən 40 000 AZN-dək zaminsiz, komissiyasız KREDİT
Azernews Newspaper

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.

Global site tag (gtag.js) - Google Analytics