Maraqlı

Rusiyalı doktor koronavirusun beyində yaratdığı fəsadları açıqladı

16 İyul 2021 09:29

0 Şərh Baxış: 1 672

VTB-də minimal faiz dərəcəsi ilə nağd kredit 10.49%-dən

"Koronavirusa yoluxan xəstələrdə tez-tez koqnitiv pozğunluqlar müşahidə olunur. Yaddaş və intellektual funksiyaların zəifləməsi özünü büruzə verir".

Milli.Az APA-ya istinadən bildirir ki, bunu Rusiyanın Novosibirsk şəhərinin 3 saylı Psixiatriya xəstəxanasının baş həkimi Yana Moxnaçeva koronavirusun xoşagəlməz nəticələrindən danışarkən bildirib.

Mütəxəssisin fikrincə, bu proses çox yavaş davam edir - dörd aydan səkkiz aya qədər və ya daha çox müddətə baş verir: "İnfeksiyanın həm xəstəlik zamanı, həm də klinik müalicədən sonra zehni sağlamlığa təsir edir. Xəstəlikdən əziyyət çəkən bir çox yaşlı insanlarda yaddaş pozğunluğu qabarıq şəkildə özünü göstərir".

Yana Moxnaçeva əlavə edib ki, fəsadlar gənclərdə də baş verir: "Koronavirusa yoluxanlarda müxtəlif cür narahatlıqlar baş verir: "Onlar təlaş, depressiya, nevroz, və bir sıra fobiyadan əziyyət çəkir, yüzdə birində isə psixoz duruma düşə bilir".

Lakin rusiyalı mütəxəssis intihar cəhdlərinin COVID-19-la heç bir əlaqəsi olmadığını vurğulayıb: "Koronavirusun insanı intihara cəhdə sövq etməsi ilə bağlı səsləndirilən fikrləri mif kimi təsnif edərdim. Hazırda belə bir məlumat yoxdur".

Milli.Az