Maraqlı

Artan "qara kif" təhlükəsi üçün risk qrupunda olanlar açıqlandı

8 İyun 2021 21:35
Baxış: 825

Koronavirusdan sonra dünyanı indi də mukormikoz ("qara kif") xəstəliyi təhdid edir. Elm adamları Hindistanda başlayan və artıq Misir, İraq, Pakistan, Rusiya, Banqladeş hətta Braziliya kimi ölkələrdə yayılan xəstəliyə qarşı risk qrupunda olanları açıqlayıb.

Milli.Az oxu.az-a istinadən bildirir ki, risk qrupunda olan insanlar arasında ilk yerdə diabet xəstələri durur. Elm adamlarının sözlərinə görə, mukormikoz zəif idarə edilən diabetlə güclü bir şəkildə əlaqədardır.

Qeyd edilir ki, bu infeksiya açıq yara yerindən, yaxud tənəffüs sistemi vasitəsilə orqanizmə girir, qan dövranına daxil olur, ürək, beyin və ağ ciyərlərlə yanaşı digər orqanlara da yayılır.

Bundan başqa "qara kif" immuniteti zəif olanlara, o cümlədən koronavirus xəstələrinə də təsir edir. Mütəxəssislər COVİD-19 xəstələrində steroid istifadəsinin bu xəstəliyin yayılmasına səbəb olduğunu bildirirlər. Həkimlər bu xəstəliyin inkişafının qarşısını almaq üçün xəstələrin 60 faizinin bir və ya iki gözünü çıxarmalı olub.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.