Maraqlı

Bu il informasiya təhlükəsizliyi sahəsində xərclər 150 milyard dolları ötəcək

25 May 2021 22:10

Baxış: 873

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

"Gartner" şirkəti dünya informasiya təhlükəsizliyi və risklərin idarə olunması vasitələri bazarı üzrə proqnoz açıqlayıb. Analitiklərin fikrincə, bu il müvafiq bazarın artım tempi yüksələcək.

Milli.Az ictnews.az-a istinadən bildirir ki, 2020-ci ildə qeyd olunan sahədə xərclər təxminən 133,8 milyard dollar təşkil edib. Bu, əvvəlki illə müqayisədə 6,4 faiz çoxdur. Sahənin ən böyük seqmenti kibertəhlükəsizlik sahəsində xidmətlərdir - onların payı 65,1 milyard dollar olub. Daha 20,5 milyard dollar infrastrukturun mühafizəsi üçün həllərin payına düşüb. İnformasiya təhlükəsizliyini təmin edən şəbəkə avadanlığının payı 15,6 milyard dollar təşkil edib.

Ekspertlərin proqnozuna görə, 2021-ci ildə xərclərin qlobal miqyasda 12,4 faiz artması nəticəsində sahənin həcmi pul ifadəsində 150,4 milyard dollar təşkil edəcək.

Kibertəhlükəsizlik sahəsində servislər xərclərin ən böyük dərəcəsi olaraq qalacaq: onlar 72,5 milyard dollar qazanc gətirəcək. İnfrastrukturun mühafizəsi seqmentində xərclər 23,9 milyard dollar olacaq. Şəbəkə avadanlığının payı 17,0 milyard dollar təşkil edəcək.

Analitiklərin sözlərinə görə, maşın öyrənmə və süni intellekt texnologiyalarından istifadə edən təhlükəsizliyin təmini sistemlərinin inkişafı davam edəcək. Şirkətlər distant iş və təhsil platformalarının inkişafı fonunda mühafizə alətlərinin genişləndirilməsinə vəsaitlər yatıracaqlar.

Milli.Az