PUL
.jpg)
Tayvanın "Mediatek" çip istehsalçısı mobil qurğular üçün "Dimensity 900" adlı yeni prosessor təqdim edib. Bu, orta qiymət seqmentinə aid smartfonlara əvvəllər mövcud olmayan funksiyalar əlavə edəcək.
Milli.Az ictnews.az-a istinadən bildirir ki, 6 nanometrlik (nm) texnoloji proses üzrə hazırlanmış çip 8 nüvədən ibarətdir. "Dimensity 900" çipinin özəlliyi beşinci nəsil mobil şəbəkələrində iki "SİM" kartla işi dəstəkləməsidir.
Bu çiplə təchiz edilmiş qurğular 108 mp-dək təsvir ölçülü kameraları, yeniləmə tezliyi 120 Hs-dək olan ekranları və sürətli yaddaşı dəstəkləyə bilər.
"Dimensity 900" ilə təchiz edilmiş smartfonlar hələ ki elan edilməyib, lakin bütün əsas bazar iştirakçıları bu prosessora maraq göstərirlər. İnsayderlərin məlumatına görə, bu platforma ABŞ-ın "Qualcomm" şirkətinin yeni "Snapdragon 768G" prosessoru ilə müqayisədə daha məhsuldardır.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
