Türkiyə

PKK mühüm bölgədən çıxdığını elan etdi

17 Noyabr 2025 17:38
Baxış: 946
VTB-də minimal faiz dərəcəsi ilə nağd kredit 9.9%-dən
#TÜRKİYƏ #PKK

PKK terror təşkilatı İraqın şimalında, Kərkük vilayətinin Əz-Zab rayonunda yerləşən qüvvələrini geri çəkdiyini bəyan edib.

Milli.Az xəbər verir ki, məlumatı "Rudaw" telekanalı yayıb.

Təşkilat rəhbərliyi bildirib ki, sərhədyanı və toqquşma ehtimalı olan bölgələrdə qarşıdurmanın qarşısını almaq məqsədilə preventiv addımlar atılır. Bu çərçivədə PKK birləşmələri noyabrın 16-da axşam saatlarında Əz-Zabdan çıxarılaraq digər bölgələrə yerləşdirilib. Qurum hesab edir ki, bu addım münaqişə riskini tamamilə aradan qaldırır və sülh prosesinə praktiki töhfə verəcək.

Xatırladaq ki, Ankara tərəfindən qadağan edilən PKK oktyabrın sonunda Türkiyədən də tam geri çəkildiyini elan etmişdi. Örgütün lideri, Türkiyədə ömürlük həbs cəzası çəkən Abdullah Öcalan isə 2025-ci ilin fevralında bütün PKK birləşmələrini silahları təhvil verməyə və Türkiyə ilə münaqişəyə son qoymağa çağırmışdı. May ayında keçirilən qurultayda təşkilat özünü buraxmaq barədə qərar qəbul etmişdi.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.