İdman

Kvaratsxeliya "ilin adamı" seçildi

19 Noyabr 2026 20:19
Baxış: 106
VTB-də minimal faiz dərəcəsi ilə nağd kredit 9.9%-dən

PSJ-nin futbolçusu Xviça Kvaratsxeliya məşhur GQ jurnalı tərəfindən "2026-cı ilin adamı" elan edilib.

Milli.Az oxu.az-a istinadən xəbər verir ki, məlumatı "Touchline" nəşri yayımlayıb.

Bu nüfuzlu mükafat 1996-cı ildən idman, kino, musiqi, moda və mədəniyyət aləmində ciddi nailiyyətlər qazanan və böyük təsirə malik şəxslərə təqdim olunur. Kvaratsxeliya ilə bərabər, fransalı MMA döyüşçüsü Salahdin Parnass da nəşrin 2026-cı il üzrə laureatları siyahısında yer alıb.

Xatırladaq ki, bir müddət öncə gürcü futbolçu UEFA Çempionlar Liqasının əsas mərhələsinin 3-cü turu çərçivəsində "Barselona"ya qarşı keçirilən görüşdə (4:2) dizinin çarpaz bağlarından ağır zədə almışdı. Mətbuatda yayılan məlumatlara əsasən, onun zədədən bərpa olunaraq yenidən yaşıl meydanlara qayıtması doqquz ay vaxt apara bilər.

Qeyd edək ki, gürcüstanlı vinger "Qızıl top - 2026" mükafatı uğrunda keçirilən səsvermədə namizəd göstərilən doqquz komanda yoldaşının hamısını geridə qoyaraq altıncı pillədə qərarlaşıb.

Müəllif: Ülkər Vəliyeva (Milli.Az redaktor)

Azernews Newspaper

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.