Maraqlı

“Windows” istifadəçilərinin sayı açıqlanıb

4 May 2021 20:40
Baxış: 196

"Windows 10" əməliyyat sisteminin quraşdırmalarının sayı 1,3 milyarda yaxınlaşıb. Bu haqda "Microsoft"un saytında məlumat verilib.

Milli.Az ictnews.az-a istinadən bildirir ki, 2021-ci ilin birinci rübü üzrə hesabata əsasən, "Microsoft"un ümumi mənfəəti 19% yüksələrək 41,7 milyard dollar olub. Şirkətin xalis mənfəəti 44% artaraq 15,5 milyard təşkil edib. Həmçinin hesabatda bildirilir ki, "Windows 10" əməliyyat sisteminin idarəetməsi altında işləyən aktiv fərdi kompüterlərin sayı 1,3 milyarda çatıb. Korporasiyanın nümayəndələrinin sözlərinə görə, artım koronavirus pandemiyası və istehlakçıların yeni məhsuldar kompüterlərə ehtiyacı ilə izah edilir. Həmçinin 2020-ci ilin əvvəlində populyar "Windows 7" sisteminin dəstəyi dayandırılıb və istifadəçilərin bir hissəsi daha məhsuldar fərdi kompüter axtarıb.

"Microsoft"un nümayəndələri 2020-ci ilin martında "Windows 10" sisteminin 1 milyard aktiv qurğuda quraşdırıldığını bildirmişdilər.

Milli.Az

XƏBƏR LENTİ

Copyright © 2019 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.