Maraqlı

Apple Map məkanların nə qədər izdihamlı olduğunu göstərəcək

18 Mart 2021 21:15
Baxış: 486
VTB-də minimal faiz dərəcəsi ilə nağd kredit 10.49%-dən

Apple-ın yeni xüsusiyyət üzərində işlədiyi məlum olub. Yenilik istifadəçilərə bir yerə getməzdən öncə oranın nə qədər məşğul olduğunu görməyə imkan verəcək. Apple Maps bu funksiyanı anonim yer məlumatlarına əsaslanaraq gətirəcək.

Milli.Az ted.az-a istinadən bildirir ki, xüsusiyyət məkanda nə qədər sıxlıq və növbə olduğunu bildirəcək. Şirkət bu yeniliyi izah etmək üçün "Parametrlər"in "Yer xidmətləri" bölməsindəki "Gizlilik" menyusunu yeniləyib.

Yeni funksiyanın Apple Maps məlumatlarına və ya üçüncü tərəf tətbiqlərinə əsaslanacağı hələlik məlum deyil.

Şirkətin mövzu ilə bağlı verdiyi açıqlama isə belədir: "İstifadəçi hərəkət edərkən iPhone vaxtaşırı onun GPS məlumatlarını, sürətini və barometrik təzyiq datalarını  anonim və şifrəli formada Apple-a göndərir. Bu məlumatlar sonradan izdihamlı yol trafiki və məkanların məlumat bazaları ilə uyğunlaşdırılacaq".

Apple-ın Apple Maps üçün sözügedən xüsusiyyəti nə vaxt işə salacağı bəlli deyil. iOS 14.5-in mövcud beta versiyasında da hazırda bu funksiya mövcud deyil.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.