Maraqlı

Əməliyyatsız yaxındangörməni korreksiya edən “ağıllı” eynək yaradılıb

4 Fevral 2021 19:45

Baxış: 1 135

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Yaponiyanın "Kubota Pharmaceutical" şirkəti cərrahi müdaxiləsiz görmə qabiliyyətini korreksiya etməyə imkan verən "ağıllı" eynək yaradıb.

Milli.Az ictnews.az-a istinadən bildirir ki, cərrahi müdaxilə olmadan yaxındangörmənin korreksiyası üçün "Kubota Pharmaceutical" innovativ eynəyinin gündə 30 dəqiqə taxılması tələb olunur. Eynək linzalarının görüntüsü xüsusi üsulla gözün torlu qişasına proyeksiya edildiyindən gözlər tədricən özləri refraksiyanın səhvini aradan qaldırır.

Prosesin texniki tərəfləri barədə ətraflı məlumat verilməsə də, eynəyin göz əzələlərini məşq etdirərək qavrayışı korreksiya etməyə imkan verəcəyi ehtimal olunur. İstehsalçı şirkətin nümayəndələrinin sözlərinə görə, daha yaxşı görməyə başlamaq üçün gündə yarım saat "ağıllı" eynəyi taxmaq kifayət edir.

Hazırda potensial inqilabi qurğunun Yaponiya və ABŞ-da kliniki sınaqları keçirilir. Bu baxımdan "Kubota Pharmaceutical" eynəyinin yaxındangörmədən əziyyət çəkən çoxsaylı insanlara kömək edəcəyini demək hələ ki çətindir, lakin qurğu effektli olacağı təqdirdə görmə qabiliyyətinin korreksiyası günümüzdəkindən daha asan prosedura çevrilə bilər.

Milli.Az