Texnologiya

"WhatsApp"da xəta - 3,5 milyard nəfərin məlumatları sızdırıldı

19 Noyabr 2025 13:40

Baxış: 2 246

VTB-də minimal faiz dərəcəsi ilə nağd kredit 9.9%-dən

#TEXNOLOGİYA

Dünyanın ən böyük mesajlaşma platformalarından biri olan "WhatsApp" təxminən 3,5 milyard istifadəçinin telefon nömrəsinin sızması ilə bağlı ciddi təhlükəsizlik qalmaqalı ilə üzləşib.

Milli.Az xəbər verir ki, Vyana Universitetinin tədqiqatçıları cəmi yarım saat ərzində 30 milyon ABŞ nömrəsinə daxil ola bildiklərini açıqlayıblar. Tədqiqatçı Aljoşa Judmayer bunu indiyə qədər müşahidə olunan ən böyük telefon nömrəsi və istifadəçi məlumatları ifşası adlandırıb.

Ən diqqətçəkən məqam odur ki, bu problem ilk dəfə 2017-ci ildə Meta-ya bildirilib, lakin şirkət illərdir lazımi təhlükəsizlik tədbirlərini görməyib.

Sızma necə baş verib?

"WhatsApp"da istifadəçi axtarışı sadəcə nömrəni kontaktlara əlavə etməklə həyata keçir. Bu zaman sistem həmin nömrənin "WhatsApp"da olub-olmadığını, bəzən isə profil şəkli və ad kimi məlumatları göstərir.

Tədqiqatçılar bu prosesi limitsiz şəkildə təkrarlayaraq demək olar ki, bütün "WhatsApp" istifadəçilərinin nömrələrini sistematik şəkildə çıxarıblar.

Hadisədən sonra sistemə əlavə sürət və fəaliyyət limitləri tətbiq edilib ki, kütləvi skanlar təkrarlanmasın. Meta həmçinin vurğulayıb ki, istifadəçilərin mesajları əvvəlki kimi başdan-başa şifrələmə ilə qorunur və şəxsi məzmuna giriş olmayıb.

Milli.Az