Maraqlı

İT bazarında yenidən artım qeydə alınacaq

30 Yanvar 2021 20:15
Baxış: 562
VTB-də minimal faiz dərəcəsi ilə nağd kredit 10.49%-dən

"Gartner" analitik şirkətinin analitikləri "COVID-19" pandemiyası ilə əlaqədar 2020-ci ildə qlobal İT bazarındakı azalmadan sonra yenidən artım gözləyirlər. Maraqlıdır ki, koronavirusun yayılması informasiya texnologiyaları üçün xərclərin artmasında katalizator rolunu oynayacaq, çünki pandemiya səbəbindən insanlar evdən işləməyə və oxumağa məcbur olublar ki, bu da müvafiq alətlərə, həmçinin "bulud" xidmətlərinə tələbatı artırıb.

Milli.Az ictnews.az-a istinadən bildirir ki, mütəxəssislərin proqnozuna əsasən, 2021-ci ilin nəticəsinə görə, qlobal miqyasda İT xərcləri ötən illə müqayisədə 6,2% artaraq 3,92 trilyon dollara yaxınlaşacaq. 2022-ci ildə İT sahəsində 4,6%-lik artım (4,1 trilyon dollaradək) gözlənilir.

Pandemiya nəticəsində ən çox zərər dəymiş qurğuların satış həcmi (2020-ci ildə smartfon, planşet, fərdi kompüter, printer üçün xərclər 8,2% azalıb) 8% artaraq 705,4 milyard dollar təşkil edəcək. 2021-ci ildə korporativ proqram təminatının satış həcmi 8,8%-lik artım nümayiş etdirəcək.

Con-Devid Lavlok 2020-ci ildə məsafədən təhsilin intensiv inkişafını nəzərə alaraq İT avadanlıq bazarında artım potensialının olduğunu qeyd edib. Evdən təhsil və işləmək tendensiyası noutbuk və planşetlərin satışına imkan yaradır. Mütəxəssislərin sözlərinə görə, böhran bir sıra şirkətlərə güclənərək yeni bazarlar ələ keçirməkdə kömək edəcək, bəziləri isə bazarı tərk etməli olacaqlar.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.