PUL
.jpg)
Honor şirkətinin CEO-su yeni Honor V40 adlı flaqman smartfon modelinin təqdimatı çərçivəsində şirkətin hal hazırki iş prinsiplərindən və gələcək planlarından danışıb. Bu barədə 4pda saytı xəbər verib. Honor CEO-su bildirib ki, hal hazırda şirkətdə 8000-ə yaxın əməkdaş çalışır və onların 50%-i Honor-un tədqiqat şöbələrində yer alıb. Bununla yanaşı o əlavə edb ki, şirkət 5 tədqiqat şöbəsinə, bütün dünya üzrə 100 ədəd innovasiya mərkəzinə, 300-dən çox servis mərkəzinə və 82 ölkə ilə müxtəlif regionlarda 42 call center mərkəzinə sahibdir.
Onun sözlərinə əsasən şirkət öz məhsullarının keyfiyyətlərini əvvəlki səviyyədə saxlamağa davam edəcək. Hər bir yeni məhsul 400-dən çox testdən və 20-dən çox qlobal sertifikatlaşdırma standartından keçəcək. Honor smartfonlarının Huawei şirkətinin HarmonyOS əməliyyat sistemi vasitəsilə çalışıb-çalışmayacaqları sualına cavab olaraq o qeyd edib ki, bu, HarmonyOS-in necə inkişaf edəcəyindən asılıdır. Buna baxmayaraq o bildirib ki, şirkətin smartfonları açıq mənbəli koda sahib əməliyyat sistemindən istifadə edəcəklər. Bununla yanaşı Honor CEO-su təsdiqləyib ki, şirkət AMD, Qualcomm, Samsung, Intel, MediaTek, Micron Technology, Microsoft, SK Hynix və Sony kimi qlobal şirkətlər ilə artıq əməkdaşlıq bağlayıb.
Milli.Az
Digər maraqlı xəbərlər Milli.Az-ın Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin!
.jpg)
__.jpg)
.jpg)
.jpg)
.jpg)
