Maraqlı

“Xiaomi Mi TV 4A Horizon Edition” televizorlarının qiyməti 180 dollardan başlayır

10 Sentyabr 2020 08:15
Baxış: 580
VTB-də minimal faiz dərəcəsi ilə nağd kredit 10.49%-dən

Çinin "Xiaomi" şirkəti "Mi TV 4A Horizon Edition" ailəsinə aid 32 və 43 düym diaqonallı "ağıllı" televizorlar nümayiş etdirib.
 
Milli.Az ictnews.az-a istinadən bildirir ki, kiçik modelin təsvir ölçüsü "HD" (1366 × 768 piksel), böyüyünün isə "Full HD" (1920 × 1080 piksel) təşkil edir. Ekran panelin müvafiq olaraq 93 və 95 faizini əhatə edir. Hər iki halda baxış bucağı 178 dərəcəyə bərabərdir.
 
Məlumata görə, yeni qurğularda "Mali-450 MP3" qrafik sürətləndiricisi ilə təchiz edilən 1,5 QHs takt tezlikli dördnüvəli "Amlogic Cortex-A53" prosessorundan istifadə edilib. Operativ yaddaş tutumu 1 giqabayt, quraşdırılmış yaddaş 8 giqabayt təşkil edir.
 
Televizorlar "Wi-Fi 802.11b/g/n" (2,4 QHs) və "Bluetooth 4.2" simsiz rabitə adapterləri, eləcə də "Ethernet" şəbəkə kontrolleri ilə təchiz olunub. Həmçinin üç "HDMI" çıxışı, iki "USB 2.0" portu və "S/PDIF" interfeysi mövcuddur.
 
Bundan əlavə, 2 × 10 vatt gücündə stereofonik dinamikli audiosistem nəzərdə tutulub. Proqram platforması qismində "PatchWall" interfeysli "Android" əməliyyat sistemi tətbiq edilib.
 
Kiçik modelin qiyməti 180 dollar, böyüyünün isə 310 dollar arasında dəyişir.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.