Maraqlı

Apple məhsulları abunəlik vasitəsilə satılacaq

18 İyun 2020 23:50

Baxış: 830

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Apple öz məhsullarına tələbatı artırmaq üçün yeni üsul fikirləşib. Bir neçə həftədən sonra Apple Card istifadəçiləri yeni Apple məhsullarının ödənişlərini 6 və ya 12 ay müddətinə hissə-hissə edə biləcəklər.

Milli.Az ted.az-a istinadən bildirir ki, keçən il Apple Card adlı kartın təqdim olunması ilə Apple şirkəti maliyyə xidmətlərini təqdim edən şirkətə çevrilmək yolunda ilk addımını atmışdı.

Bu kart heç bir gizli komissiyaya sahib deyil və üstəlik istifadəçilərə cashback imkanını verir. Məlumata əsasən, şirkət yaxın bir neçə həftə ərzində yeni xidməti istifadəyə verməyə hazırlaşır. yeniliyə görə, iPad, iMac, Apple Pencil, Mac XDR Display ekranları və s. kimi məhsullar üçün 12 aylıq hissə-hissə ödəmə imkanı aktivləşdiriləcək.

iPod, Apple TV və HomePod kimi məhsullar üçün isə 6 aylıq hissə-hissə ödəmə imkanı aktivləşdiriləcək. Hər iki halda da komissiya tutulmayacaq. Başqa sözlə desək, bir dəfəlik AirPods Pro qulaqlığına 250$ ödəmək yerinə alıcı 6 ay müddətində hər ay 42$ ödəyə biləcək.

Qeyd edək ki, ödənişlər Wallet tətbiqindəki Apple Card bölməsi vasitəsilə ediləcək.

Milli.Az