Maraqlı

Ştutqart Aeroportunda ekzoskeletlər yükdaşıyanlara kömək edəcək - VİDEO

27 Fevral 2020 07:31

0 Şərh Baxış: 1 255

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Almaniyanın Ştutqart Aeroportunda xüsusi ekzoskeletlər yükdaşıyanların istifadəsinə verilib.

Milli.Az ictnews.az-a istinadən bildirir ki, "Cray X" adlı ekzoskeletlərin hazırlanması ilə Almaniyanın "German Bionics" şirkəti məşğul olub. Əl-ayaq dəstəyi və əzələlərin hərəkətinin güclənməsi sayəsində belə qurğunu geyinən insanlar eyni vaxtda daha çox yük daşıya biləcəklər. Bu, eyni zamanda kürəkdəki ağırlığı əhəmiyyətli dərəcədə azaldacaq.

Məlumata görə, əksər aviaşirkətlərdə bir baqajın maksimal çəkisi üçün tətbiq edilən 23 kiloqramlıq məhdudiyyət sağlam insanın daha ağırını sağlamlığa zərər vurmadan qaldıra bilməməsi səbəbindən mövcuddur. Şirkət nümayəndələri qeyd edib ki, ekzoskeletlərin istifadəyə verilməsi baqaj normasına təsir göstərməyəcək, onların tətbiqi isə işəgötürənin əmək məhsuldarlığını artırmaq və belə gündəlik iş üçün lazım olan işçi heyətinin sayını azaltmaq istəyi ilə əlaqədardır.

Milli.Az