Maraqlı

“Apple” şirkətinin kapitallaşması 18 milyard dollar artıb

18 Fevral 2020 07:21
0 Şərh     Baxış: 674
VTB-də minimal faiz dərəcəsi ilə nağd kredit 9.9%-dən
#TEXNOLOGİYA

"Apple" şirkətinin kapitallaşma dəyəri "iPhone" smartfonlarının istehsalı üzrə "Foxconn" zavodlarının fəaliyyətinin bərpası ilə bağlı məlumatlar yayıldıqdan sonra 18 milyard dollar artıb.

Milli.Az ictnews.az-a istinadən bildirir ki, "Apple" şirkətinin böyük tərəfdaşı olan "Foxconn" fevralın sonunda Çində istehsalın yarısını bərpa etmək niyyətindədir. Koronavirusun yayılmasına görə şirkətin zavodları bir neçə həftə fəaliyyətini dayandırmaq məcburiyyətində olub. Kontrakt istehsalçı, həmçinin martda Çində istehsalın 80 faizinin bərpasını planlaşdırır.

Məlumata görə, "Foxconn" Çində zavodların fəaliyyətinin dayanması ilə əlaqədar Vyetnam, Hindistan və Meksikada yerləşən zavodlarda istehsal həcmini artırıb. Lakin kontrakt istehsalçının fəaliyyətinə təsir göstərən epidemiyaya görə mədaxilin 2020-ci ilin birinci rübündə azalacağı gözlənilir.

Koronavirus 2020-ci ildə istehsal həcminin artacağına böyük ümidlər bəsləyən qlobal texnoloji sahəyə ciddi təsir göstərə bilər. Analitiklər virusun bu il dünyada smartfonların tədarük həcmini 10 faiz azalda biləcəyi ilə bağlı xəbərdarlıq edirlər.

"Apple" kimi digər aparıcı "Android" smartfon istehsalçıları, o cümlədən "Huawei Technologies", "Oppo", "Vivo" və "Xiaomi", eləcə də "HP" və "Dell" kimi noutbuk istehsalçılarına məxsus istehsalın əksər hissəsi Çində yerləşir. Yalnız Cənubi Koreyanın "Samsung Electronics" şirkəti smartfon istehsalını Çindən tam olaraq köçürüb, lakin ölkədən komponentlərin tədarükünü davam etdirir.

Milli.Az

Milli.Az - Xəbər Portalı
Azernews Newspaper

DİGƏR XƏBƏRLƏR

XƏBƏR LENTİ

Copyright © 2026 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.