Maraqlı

“LG Display” Cənubi Koreyada LCD ekranların istehsalını dayandıracaq

8 Fevral 2020 19:15

0 Şərh Baxış: 772

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

"LG Display" şirkəti Cənubi Koreyada televizorlar üçün maye-kristal (LCD) ekranların istehsalını dayandırmaq niyyətindədir.

Milli.Az ictnews.az-a istinadən bildirir ki, məlumata görə, istehsalçı 2020-ci il ərzində ölkənin Phacju şəhərində yerləşən zavodun fəaliyyətini dayandıracaq. Bununla bağlı müvafiq qərar Çin şirkətləri tərəfindən istehsal həcminin artmasına görə "LCD" displeylər bazarında vəziyyətin pisləşməsi fonunda qəbul edilib.

Bildirilir ki, "LG Display" şirkətinin Çinin Quançjou şəhərində fəaliyyət göstərən zavodu televizorlar üçün "LCD" ekranların istehsalını davam etdirəcək. Zavodun inşasına 2017-ci ilin ortalarında başlanılıb, məhsul buraxılışına isə rəsmən ötən ilin avqustunda start verilib. Layihənin həyata keçirilməsi üçün 46 milyard yuan məbləğində investisiya qoyulub.

Cənubi Koreyada "LCD" panellərinin istehsalının dayandırılması "OLED" texnologiyası üzrə hazırlanan displeylərin tədarük həcminin artması ilə əlaqədardır. Şirkətin proqnozuna görə, "OLED" panelləri 2021-ci ilədək şirkətin gəlirinin 50 faizini təmin edəcək.

Milli.Az