Maraqlı

Populyar sosial şəbəkənin milyonlarla istifadəçisinin telefonu təhlükə altındadır

28 Dekabr 2019 08:05

0 Şərh Baxış: 677

VTB-də minimal faiz dərəcəsi ilə nağd kredit 10.49%-dən

#TEXNOLOGİYA

Kibertəhlükəsizlik sahəsi üzrə mütəxəssis İbrahim Baliç "Twitter" sosial şəbəkəsinin 17 milyon istifadəçisinin mobil telefon nömrəsini müəyyənləşdirib. "TechCrunch" nəşri yazır ki, aşkar edilmiş boşluq populyar sosial şəbəkə istifadəçilərinin fərdi məlumatlarını təhlükə altına qoyub.

Milli.Az ictnews.az-a istinadən bildirir ki, mütəxəssisin sözlərinə görə, sözügedən boşluq "Android" üçün mobil tətbiqdə aşkar edilib. İstifadəçilərin nömrəsini əldə etmək üçün telefonlardan ibarət siyahı yaratmaq və müvafiq hesabların axtarışı üçün onları "Twitter"ə yükləmək lazım olub. Mütəxəssis proqram vasitəsilə on milyonlarla müxtəlif nömrələr yaradıb.

Bu, Baliçə Fransa, Almaniya, İsrail, Türkiyə, İran, Yunanıstan sakinlərinin nömrələrini və ona bağlı hesablarını öyrənməyə imkan verib. Mütəxəssis iki ay ərzində telefon nömrəsinin köməyi ilə İsrailin yüksək vəzifəli siyasətçisinin profilini tapıb. "Twiiter" yalnız 20 dekabrda onun fəaliyyətini bloklayıb.

"Twitter"in nümayəndəsi məlumat verib ki, şirkət sözügedən boşluğu aradan qaldırmaq üçün çalışır.

Milli.Az