Maraqlı

“Microsoft” növbəti nəsil “Xbox” oyun konsolunu elan edib

19 Dekabr 2019 08:21
0 Şərh     Baxış: 621
VTB-də minimal faiz dərəcəsi ilə nağd kredit 10.49%-dən

Dekabrın 12-də Los-Ancelesdə "The Game Awards 2019" mükafatlandırma mərasimində "Xbox"un direktoru Fil Spenser yeni nəsil oyun konsolunu - "Xbox Series X" elan edib.

Milli.Az ictnews.az-a istinadən bildirir ki, yeni "Xbox" oyun konsolu öz formasına görə kompüterin sistem blokunu xatırladır. Konsolu həm şaquli, həm də üfüqi yerləşdirmək olar.

"Xbox"un rəsmi saytında Spenser məlumat verib ki, oyun konsolunun mərkəzi prosessorunun məhsuldarlığı əvvəlkindən 4 dəfə daha güclüdür, həmçinin səssiz işləyir.

Bundan başqa təqdim edilmiş yeni simsiz kontroller ekran görüntülərini asanlıqla əldə etməyə və oyun çarxlarını çəkməyə imkan verən yeni "Share" düyməsi ilə təchiz edilib.

Yeni oyun konsolunun 2020-ci ilin sonunadək satışa çıxarılacağı gözlənilir. Qiyməti haqqında məlumat yoxdur.

"Xbox" - "Microsoft" şirkəti tərəfindən hazırlanmış oyun konsoludur. İlk dəfə 2001-ci ildə satışa çıxarılıb.

Milli.Az

Azernews Newspaper

XƏBƏR LENTİ

Copyright © 2025 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.