Maraqlı

Almaniya Rusiya sanksiyalarina görə ayda 700 milyon dollar itirir

19 Oktyabr 2019 23:10
0 Şərh     Baxış: 1 138
VTB-də MİNİMAL FAİZ DƏRƏCƏSİ İLƏ NAĞD KREDİT 10.49%-dən

Rusiyaya qarşı tətbiq edilən sanksiyalara görə təkcə yerli istehlakçılar bədəl ödəmir. İqtisadçılar ticarətə dəyən itkiləri hesablayıblar və heyrətamiz nəticələrə gəlib çıxıblar. Bu barədə Almaniyanın "Handelsblatt" nəşri yazır.

Honkonqda yerləşən Linnan Universitetindən Mattye Kroze (Matthieu Crozet) və Kils Beynəlxalq İqtisadiyyat İnstitutundan Yulian Hints (Julian Hinz) müxtəlif ölkələrin Rusiya ilə ticarət əlaqələrinin sanksiyalarsız nəzəri inkişafı ilə sanksiya şəraitindəki həqiqi inkişafını müqayisə edərək dəyən ziyanı qiymətləndiriblər.

Jurnalist Norbert Hering (Norbert Haring) rəqəmlərin sənaye nümayəndələrinin söylədiyi kimi elə də yüksək olmadığını qeyd edir: "İlk növbədə ona görə ki, ixracın zəifləməsinin böyük bir hissəsi 2015-ci ilin resessiyasına aid edilir. Həmin resessiyaya sanksiyalar deyil, neftin qiymətinin ucuzlaşması və rublun dəyər itirməsi səbəb olmuşdu. Bundan başqa, itkilərdə başqa ölkələrə göndərilən ixrac nəzərə alınmır. Digər tərəfdən, Rusiyaya yönələn xüsusən kiçik və orta müəssisələrə dəyən ziyan elə də böyük deyil".

"Araşdırmaya əsasən, Rusiya əleyhinə sanksiyaların vurduğu ziyan ayda təxminən 4 milyard dollar təşkil edir. 1,8 milyard dollar və ya 45% Rusiyaya sanksiya tətbiq edən ölkələrin, 55% isə Rusiyanın payına düşür. Sanksiya yükünün 92%-ni AB daşıyır. Böyük bir hissə də Almaniyanın payına düşür - 38% və ya ayda 667 milyon dollar", - məqalədə deyilir.

Araşdırma müəllifləri Fransa şirkətlərinin ixracını daha ətraflı nəzərdən keçiriblər. Belə ki, bu barədə daha dolğun məlumat var. Tədqiqatçılar müəyyənləşdiriblər ki, Rusiyaya ixracı azalan şirkətlər başqa ölkələrə ixrac vasitəsilə dəyən ziyanın çox kiçik bir hissəsini kompensasiya edə biliblər.

Ziyanın yarısı sanksiya tətbiq edən ölkələrin payına düşsə də, bu tədbirlərdən ən çox Rusiya əziyyət çəkir. "Moskva həyata keçirdiyi cavab tədbirlərini tərifləyir, indi ölkənin ixrac məhsullarından daha az asılı olduğunu qeyd edir. (...) Bununla belə, aparılan araşdırma göstərir ki, yerli istehlakçılar buna görə çox böyük bədəl ödəməli olurlar. Sanksiyaların şamil edildiyi ərzaq məhsullarının qiyməti qısa müddət ərzində təxminən 10% artıb. İstehlak səviyyəsi xeyli azalıb. Zamanla qiymət artımı 4%-dək zəifləyib. Belə ki, məhsullar qismən başqa ölkələrdən idxal edilib, ya da ölkə daxilində istehsal edilib", - nəşr aydınlıq gətirir.

"İdxal qadağası nəticəsində Rusiyanın istehlakçı səbəti ümumilikdə 0,2% bahalanıb. Rusiya hökumətinin iddialarına əsasən, yerli istehsalın artması eyni zamanda kənd təsərrüfatının gəlirlərini də artırır. Lakin bunun mənfi təsirləri aradan qaldırıb qaldırmayacağı mübahisəli məsələdir", - "Handelsblatt" yazır.

Milli.Az

Azernews Newspaper

XƏBƏR LENTİ

Copyright © 2024 Milli.Az

Saytdakı materialların istifadəsi zamanı istinad edilməsi vacibdir. Məlumat
internet səhifələrində istifadə edildikdə hiperlink vasitəsi ilə istinad mütləqdir.